أنا مصرى ابن مصرى بقلم أحمد فؤاد نجم
أنا مصرى
أنا مصرى أبن مصرى وليا الشرف
برغم المهانة ..برغم القرف
برغم الزبالة اللى ماليه الشوارع
برغم الفساد اللى بيه أعترف
سمو معالى رئيس الوزارة
نتيجة موظف بسيط أنحرف
برغم المجاعة اللى داخلين عليها
وفينا اللى عايش حياته فى ترف
برغم البطالة فى أوضة وصالة
برغم أن آخر جنية اتصرف
برغم طابور الصباح السخيف
وكل منايا يا دوب كام رغيف
برغم أسايا لمنظر عشايا
وأقول مش مهم ياواد نام خفيف
برغم انى شايف بلاوى وساكت
وعايش مطنش كأنى كفيف
******************
برغم العيال اللى ساكنة الرصيف
برغم حكومة شعارها الكلام
**********************
برغم ده كله يامصر بحبك
وطظ فيهم ودا آخر كلام
*******************
برغم ده كله بحبك يامصر وطظ فيهم ودا اخر كلام
ردحذفكلام كثير حقيقى مصور حجم المعاناه الى الشعب كله فيها
تسلم ايد عمنا احمد فؤاد نجم وتسلم ايدك يامامافوفو
تسلم يا احمد من كل سؤ ومساء الفل
حذفمصر ام الدنيااااااا( قلبيك كبير اوى يا مصر ) هههههههههه
ردحذفتسلم ايديك يا ماما فوفو
تسلم من كل شر ومساء الخيرات
حذف