أصبر عليَه / تأليف منظمة الشباب الأشتراكى
فى الستينات وعندما كنت عضوة فى منظمة الشباب الأشتراكى .. قام الشباب بتأليف هذه الأغنية للمنظمة باسم / أصبر عليَة ..... وما زلت أحتفظ بكلماتها فى اجندتى وقررت تدوينها وأرجو أن تنول أعجابكم لتروا كيف يكون الأنتماء والحب *****************
أصبر عليَة .. أصبر عليَة ..
طلعت عينيه ..
محاضرة رايحة ومحاضرة جاية ....
أصبر عليَة ..
منظمتى أنتى شغلك كتير .... وعقلى منك قرب يطير
فى كل مناقشة ناخدها جد .... وان كنت أضحك تقولى سد
لكن باحبك وحياة عينية .... ويوم فراقك يصعب عليَه
ياللى ولادك غاليين عليَة .... ياللى أهدافك جوة عينية
أصبر عليَة ....
علمتينا حب السلام .... فهمتينا معنى التزام
فى كل أمر يصدر الينا .... بقلوبنا ناخده وكمان عينينا
ياللى أهدافك جوة عينينا .... ياللى ولادك غاليين علينا
ياللى فراقك يصعب عليَة .... أصبر عليَة
تسألنى مرة درستى أيه .... أى تحدى تقدر عليه
أسلوبنا علمى مع التفكير .... نقدر نحله ويه الجماهير
مفيش حاجة صعب وخطير .... ده أنا واد منظم .. أنا واد قدير
أصبر عليَه
فى كل حتة بصة بعينية .... ولا فيش ملاحظة تعدى عليَة
ياللى ولادك غاليين عليَة .... ياللى أهدافك جوة عينية
ده يوم فراقك يصعب عليَه .... أصبر عليَه
حاحفظ جميلك مدى السنين .... فى وسط أخوانى الموجهين
أهديك شوقى مع الحنين .. يا أم الرجال الصغيرين
أهديك شوقى مع الحنين .. يا أم الرجال الصغيرين
ياللى أهدافك جوة عينية .... ياللى ولادك غاليين عليَة
أصبر عليَة
*********************************** فوفو
تعليقات
إرسال تعليق