حرامى الرغيف

تسرق رغيف ياحرامى وتتحبس شهرين ؟!

لو كنت قاضى المدينة لاحبسك سنتين ..

لأن ذنبك يا مجرم يعتبر ذنبين .........

المهنة رخصتها لما سرقت رغيف .....

وسرقت من قبل ما تصبح وجيه وشريف

لا أنت حرامى تشرفنا ولا أنت وجيه ...

وياويله ، ما أتعسه الواقف بين البنين !!!!

تهجم على السرقة ليه يا أجهل الجهال ...

رئيس قلم حضرتك ؟ ولا مدير أعمال !!!

السرقة يا ابن الحلال صنعة وعايزة رجال

لهم فى فض المشاكل والامور تصريف ..

ومن وراهم ضهور جامدة وجنس لطيف ..

يهونوا اللى جرى ويلطفوها تلطيف ......

وفين تروح بالرغيف جنب الأكابر فين ؟؟؟

أصبر على نعمتك يمكن حتبقى وجيه .....

وجيه بمكتب وساعى بالجرس تناديه .....

وسكرتير زى حالى تشخط فيه ...........

تتزلزل الأرض والعالم يقول يا لطيف ....

والبنكنوت يتحشى لك حشو فى مظاريف ..

تلقاها بالصدفة فى جيبك بدون تكليف .....

وتقول عجيبة يارب الظرف جانى منين !!!

*************************** للشاعر بيرم التونسى

******************************************