ذكرى حبيب الملايين / جمال عبد الناصر
فى اليوم الثامن والعشرين من سبتمبر عام 1970 فقدنا زعيم الامة العربية
وفى مجلة النصر كتب الاستاذ / صلاح عبد الفتاح القاضى :
لا دمعنا ولا دمنا .. ولا أحزان البشر تقدر على وصف الألم .. اللى انغرز فى قلبنا
لا يا جمال .. أرجع لنا .. لسة الرمال فى أرضنا مالية الفضا .. وأنت اللى منبت الرمال
بالخضرة والنور والرضا .. لسة الغيوم خانقة القمر .. والفجر لسة بعيد .. والخير حبيبك فى خطر .. لسة فى بلدنا محرومين ومطحونين .. وكل عين ملهوفة ع البيت السعيد .. وترفرف الروح الحبيبة فى السما نسمع نداها بقلبنا :
( وان مات جمال .. تبقوا انتم ميت مليون جمال ) . واه مات جمال .. ياعيونى لا .. ما تحلميش .. ما تفكريش .. ان اللى مات يرجع لنا .. خليكى انت عيون جمال .. طلى على البعد البعيد .. وياقلبى لو حزنك يبدد قدرتك .. الحزن مش تعبير جميل .. ياقلبى فيك أحلام جمال .. لسة الآمال مزروعة فيك .. والعزم نار قادها جمال .. رسم الطريق .. وبنور حياته نوره.. ومشى معانا أكتره .. لما انطفى القنديل حتفضل عالطريق نفس المشاعل والبريق واحنا علينا نكمله .. والعهد بينا وبين جمال .. ان مات جمال نبقى احنا ميت مليون جمال ..
الله يحرمك يافرعون مصر افتقدنا رمز الامه
ردحذفأهلا سوسو
ردحذفانا عارفة ان الحروف خانتك وانتى بتكتبى التعليق
تقصدى الله يرحمك .. وليس يحرمك
الف رحمة ونور ياجمال يا اجمل واعز واحب زعيم عربى
رحمة الله عليك يازعيم الآمة
ردحذفاهلا نوسة
ردحذفطبعا سيبقى دائما زعيم الامة العربيه
حتى وهو فى التراب
سيبقى خالدا فى ذاكرتنا